reklam
» » Rusiya və Gürcüstan sərhədində görünməmiş tıxaclar

reklam

Rusiya və Gürcüstan sərhədində görünməmiş tıxaclar

Yay tətilini gürcü kurortlarında keçirmək istəyən turistlərin axını Rusiya-Gürcüstan sərhədinin “Yuxarı Lars” keçidində bir neçə kilometrlik tıxaclar yaradıb.
Yolda minlərlə avtomobil qalıb.
Dünən səhərə olan məlumata görə, sərhədi keçmək üçün gözləmə vaxtı təxminən 12 saat olub. Bildirilir ki, “Yuxarı Lars – Kazbeqi” nəzarət-buraxılış məntəqəsi hər il gücləndirilmiş iş rejiminə keçir. Bu dövrdə Rusiyadan Gürcüstana avtomobi trafiki kəskin artır.
Bundan başqa, Gürcüstandan tranzitlə Ermənistana gedənlər də həmin məntəqədə tıxacın daha da artmasına səbəb olur: Hərbi-Gürcüstan yolu Rusiyadan bu ölkəyə yeganə quru yoludur.
Bu il Gürcüstanda dincəlməyə üz tutan turistlərin sayının artması vəziyyəti daha da kəskinləşdirib.
Şimali Osetiya rəhbərliyi vəziyyətdən çıxış yolu kimi Gürcüstana gedən sürücülər və minik maşınlarının sərnişinlərinə müraciət edərək, Dağıstana tərəf dönüb, Azərbaycandan keçməklə, Gürcüstana getməyi məsləhət görüb.
Lakin bu marşrut yolu təxminən 1300 km uzadır. 


Paylaş:


Müəllif : Tarix:
15-08-2018, 15:05
  


loading...
Загрузка...