X
Qax rayon məhkəməsinin ədalətsiz qərarı... - GİLEY » Regionxeberleri.com Qax rayon məhkəməsinin ədalətsiz qərarı... - GİLEY » Regionxeberleri.com

reklam
» » Qax rayon məhkəməsinin ədalətsiz qərarı... - GİLEY

reklam

Qax rayon məhkəməsinin ədalətsiz qərarı... - GİLEY

Azərbaycan Respublikasının prezidenti cənab İ.Əliyevə,
Azərbaycan Respublikasının Birinci vitse-prezidenti xanım M.Əliyevaya
Azərbaycan Respublikasının Ədliyyə naziri cənab F.Məmmədova,
Məhkəmə Hüquq Şurası Aparatına,
Daxili İşlər naziri cənab R.Usubova,
AR –nın səhiyyə naziri cənab O.Şirəliyevə,
Ombudsman Aparatının sədrinə,
Azərbaycan Respublikasının Sosial Təminat naziri cənab S.Müslümova,
Azərbaycan Respublikasının Ailə,Qadın və Uşaq problemləri Dövlət Komitəsinin sədri xanım H.Hüseynovaya,
Qax rayon İcra Hakimiyyətininbaşçısı cənab M. Şəkiliyevə,
Azərbaycanın müstəqil mətbuat orqanlarına

Qax rayonu, İbaxlı kənd sakini Abdurahmanova Vüsalə Firudin qızı tərəfindən

Ə R İ Z Ə

Mən, Vüsalə Abdurahmanova 2012-ci ildə Qax rayonun Qıpçaq kənd sakini Osmanov Rüstəm Rafiq oğlu ilə ailə həyatı qurmuşdum. Hazırda 5 yaşında Zəhra və 2 yaşında Zeynəb adlı övladlarımız var. Lakin çox təəssüflər olsun ki, həyat yoldaşım Rüstəmin anası bizim ailə işlərimizə qarışması nəticəsində imkan vermədi ki, ailə bir olsun. Hər ikimizin istəyinin əksinə olaraq qaynanam Sevda Həsənovanın əmrilə boşanmaq məcburiyyətində qaldıq.

2014-cü ildən boşanma rəsmiləşmişdir. Və mən yenidən övladlarımla ata yurdu olan Qax rayonun İbaxlı kəndindəki evdə yaşayıram. Budur rəsmi boşanmadan 3 il keçməsinə baxmayaraq ailə başçısı olmuş Rüstəm hər bir uşağa aliment olaraq cəmi 25 manat pul ödəyir. Halbuki, keçmiş ərimin maddi imkanları çox genişdir. Ailəsinin yeganə övladı kimi onların hazırda Qaxın İbaxlı kəndindəki geniş evlərindən başqa Bakı, Mingəçevir, Qax şəhərlərində də şəxsi evləri vardır. Yaşadıqları Qıpçaq kəndində isə 1000 baş xırdabuynuzlu və 55 baş baş iribuynuzlu malqara sahibidir. Geniş torpaq sahələri, fındıq, qoz bağları, fermaları, kənd təsərrüfatı texnikaları və işçiləri vardır. Bir sözlə, kəndin ən imkanlı və varlı fermer ailəsi hesab olunurlar. Amma Rüstəm iki zavallı və köməksiz qalmış övladlarına dövlətin təyin etdiyi hər bir uşaq üçün olan 136 manatı ödəməmək üçün Sosial Təminat Nazirliyinin yerli şöbəsində özünü 2-ci qrup əlil kimi sənədləşdirərərk(tam sağlam olan Rüstəm 2017-ci ilin iuyl ayında rüşvət hesabına əlillik dərəcəsi almışdır) guya 55 manat pensiya aldığını bəyan etməklə aliment vermək imkanının olmadığını rəsmi orqanlara bildirmişdir.

6 yanvar 2018-ci il tarixli şikayət ərizəmizə 19 fevral 2018-ci il tarixli Ombudsman Aparatının sədrinin imzasıilə daxil olmuş cavab məktubunda bizə bir çox məsələlər aydın olmuşdur. Belə ki, hörmətli Elmira Süleymanova Ədliyyə Nazirliyinin İcra Baş İdarəsinə tapşırıq verərək mənim aliment məsləmin araşdırılmasını xahiş etmişdir. Rəsmi cavabdan aydın olur ki, Qax İcra Şöbəsi əvvəlcə 2014-cü ildən başlanmış icraat zamanı borclu alimenti qeyri-müntəzəm şəkildə ödədiyini bildirir və yaranmış aliment borcunun ödənilməsi üçün R.Osmanovun yetərli əmlakı aşkar edilməməsini vurğulayır. Bəs o zaman sual olunur ki, valideynlərilə birlikdə yaşayan və fermer fəaliyyətilə intensive məşğul olan Rüstəmə görəsən heç olmasa ailənin əməkhaqqı verdiyi çoban və nökərləri qədər əməkhaqqı vermirmi?

Mən bu ailə ilə yaşadığım illərdə qaynanam olmuş Sevda Həsənova kimdən acığı tuturdusa evdə dərhal hədə-qorxuya keçirdi və 16 il öncə otlaq sahədə onun sifarişi əsasında vaqonda yandırılıb öldürülmüş şəxsi mal-qarasını otaran 2 cavan naxırçısının gününə salacağıilə hədələyirdi. Əvvəlcə onun əsəsbi halda olanda niyə belə hədə qorxu gəlməsini başa düşmürdüm. Sonradan kənd sakinlərinin dediklərindən aydın oldu ki, bu ailənin mal-qarasını otaran çobanlar otlaqda əkdikləri kətənə kollarını satmaq üçün sahədə qaldıqları vaqona yığıblarmış. Necə olursa yerli polis bu məsələdən duyuq düşür. Və necə olursa S. Həsənovanın mal-qarasını otaran iki pəhləvan kimi coban müəmmalı formada gecə ikən qaldıqları vaqonda yanıb ölürlər. Halbuki, vaqon ot sahəsində yerləşdiyindən heç bir elektrik xətti olmayıb. Və necə olub ki, vaqon yanmağa başladıqda iki cavan oğlan qapını açıb çıxmağa macal tapmayıblar? Vaqonun qapısı çöldən niyə qıfıllanıb? Izi itirmək kimin maraqlarına cavab verib? Və s. suallara polisin istintaq zamanı necə cavab verdiyi yerli camaata aydın olmasa da başlanmış cinayət işi müəmmalı səbəbdən ört- basdır edilir. Yəni, Sevda Həsənovanın ailəsinin alın tərilə bu qədər varidata, mala-mülkə sahib olmasını bu gün nə icra şöbəsi, nə də digər hüquq mühafizə orqanları bilməsə də yerli sakinlər yaxşı bilirlər.

Qax İcra şöbəsi utanmadan Ombudsman Aparatına rəsmi cavab verir ki, R.Osmanov 55 manat təqaüd aldığı müəyyən edilərək tələb həmin vəsaitə yönləndirilmişdir. Yəni, son 3 il ərzində bu şöbə müəyyən edib ki, 2017-ci ilin iyul ayında Rüstəm 2-ci qrup əlil olub və dərhal hərəkətə keçib məsələni “Həll ediblər. Digər tərəfdən sağ olsunlar ki, İcra şöbəsi 2016-cı ildə R.Osmanov barəsində aliment verməkdən yayındığına görə inzibati protokol tərtib edib Qax rayon Məhkəməsinə göndəriblər. Və bugünə kimi bizə məlum olmayan08.11.2016-cı il tarixli məhkəmə qərarına əsasən yerli icra şöbəsinin təqdimatının rədd edilməsilə bağlı məhkəmə qərarı verilmişdir. Əsaslandırlmışdır ki, guya R.Osmanovun maddi imkanı yoxdur və o əlildir. Halbuki, R.Osmanov rəsmən 2017-ci ildə rüşvət hesabına “əlillik” dərəcəsi almışdır. Nə qədər cəhd etsək də biz məhkəmədən bu əsassız qərarı ala bilmədik. Ki, apellyasiya şikayət verək. Çünki, Qax rayon Məhkəməsinin hakimi maddi marağının təmin olunması müqabilində belə bir əsassız qərar vermiş və bizim yeni şikayətlərdən sonra 01. Fevral 2018-ci ildə yenə vicdansızcasına icra şöbəsinin verdiyi yeni təqdimatı rədd edən yeni qərar qəbul etmişdir.Belə yerdə Mən də hesab edirəm ki, Yer kürəsində ən şərəfsiz məmurlar öz vəzifə səlahiyyətindən süi-istifadə edərək sərvət toplayan və ailəsinə yedirib onları haramzadaya çevirən iyrənc ünsürlərdir.

Amma mən bir insan olaraq, bir ana olaraq Osmanovlar ailəsinin var-dövlətində gözüm və iddiam yoxdur. Mənim bircə istəyim var ki, son üç ildə dövlətin təyin etdiyi hər bir uşaq üçün alimentpulunu alıb bu zavallı uşaqları dolandırım. Başqa heç nə. Və ona görə də Azərbaycan Qanunlarının mənimlə və Osmanovlar ailəsilə bağlı Qax rayonu ərazisində işləmədiyini nəzərə alaraq çox hörmətli İlham Əliyevdən, Birinci vitse-prezidentdən və çox hörmətli Ədliyyə nazirimiz Fikrət müəllimdən xahiş edirəm ki, düşdüyüm indiki ağır vəziyyəti nəzərə alaraq şikayətimin araşdırlmasını daha vicdanlı, daha təcrübəli və nəfsi təmiz (Sevda həsənovadan qorxmayan) aidiyyatı məmurlara həvalə edəsiniz ki, sonda mən uşaqları heç olmasa azacıq da olsa qidalandıra bilim.


Paylaş:


Müəllif : Tarix:
13-03-2018, 10:05
  


loading...