reklam
» » Bakıda qoyun sürüsünü maşınla vuran şəxs möhkəm döyülüb - FOTO

reklam

Bakıda qoyun sürüsünü maşınla vuran şəxs möhkəm döyülüb - FOTO

Bakının Xəzər rayonunda döyülmə ilə nəticələnən yol-nəqliyyat hadisəsi baş verib.
Regionxeberleri.com "Report" - a istinadən xəbər verir ki, hadisə Qala qəsəbəsində qeydə alınıb.
1973-cü il təvəllüdlü Şəfiyev Elman Bəhmən oğlu "90-LC-587" dövlət qeydiyyat nişanlı "VAZ-2107" markalı avtomobil ilə qəfil qarşısına çıxan qoyun sürüsünü vurub. Nəticədə 10 baş heyvan tələf olub, eyni zamanda avtomobilə ziyan dəyib.
E.Şəfiyev sürü sahibinə öldürdüyü xırdabuynuzlu heyvanlara görə pul ödəcəyini bildirib və öz aralarında razışlaşmalarını istəyib. Lakin heyvan sahibi hadisənin baş verdiyi əraziyə bir neçə nəfər tanışını çağırıb. Bu zaman tərəflər arasında mübahisə düşüb. Əlbəyaxa dava zamanı E.Şəfiyev onlar tərəfindən döyülüb.
Hadisənin baş verdiyi əraziyə "təcili yardım" maşını və Post Patrul Xidmətinin əməkdaşları gəlib. Döyülərək xəsarət alan şəxs xəstəxanaya yerləşdirilib.
Həkimlərin verdiyi məlumata görə, E.Şəfiyevin vəziyyəti ağırdır. Onun burun sümüyünün sınığı və açıq kəllə-beyin travması aldığı məlum olub.
Faktla bağlı Xəzər Rayon Polis İdarəsində araşdırma aparılır.


Paylaş:


Müəllif : Tarix:
14-09-2017, 09:08
  


loading...
Загрузка...