X
Hərbçimiz ağır qəzada öldü - YENİLƏNİB » Regionxeberleri.com Hərbçimiz ağır qəzada öldü - YENİLƏNİB » Regionxeberleri.com

reklam
» » Hərbçimiz ağır qəzada öldü - YENİLƏNİB

reklam

Hərbçimiz ağır qəzada öldü - YENİLƏNİB

Qəbələ rayonunda bir nəfərin ölümü, iki nəfərin ağır xəsarət alması ilə nəticələnən yol qəzası baş verib.
 
İstipress-in məlumatına görə, hadisə gecə saatlarında Qaraməryəm-İsmayıllı-Şəki avtomobil yolunda, Qəbələ rayon Nohurqışlaq kəndi ərazisində qeydə alınıb.

Belə ki, Qəbələ rayonu Vəndam qəsəbə sakini, 22 yaşlı Fərid Nəbiyevin idarə etdiyi "VAZ 2109" markalı minik avtomobili ilə hərəkətdə olarkən idarəetməni itirib və avtomobil yolun kənarındakı ağaca çırpılıb.

Qəza zamanı sürücü Fərid Nəbiyev aldığı ağır xəsarətlər səbəbindən hadisə yerində dünyasını dəyişib, avtomobildəki iki sərnişin, Vəndam qəsəbə sakinləri, 21 yaşlı Fərid Həlimov və 27 yaşlı Mübariz Niftəliyev aldığı zərbə ilə Qəbələ rayon Mərkəzi Xəstəxanasına yerləşdirilib. Ağır vəziyyətdə olan Fərid Həlimov reanimasiya şöbəsinə yerləşdirilib.

Hadisə vaxtı dünyasını dəyişən çavuş Fərid Nəbiyev Daxili Qoşunların Qəbələ rayonundakı hərbi hissəsində xidmət edib. Faktla bağlı araşdırma aparılır.    

***
11:06

Qəbələdə ağır yol qəzası baş verib.
 
Lent.az xəbər verir ki, Qəbələdən İsmayıllıya gedən yolda "VAZ 2109" markalı minik avtomobili sürücünün idarəetməsindən çıxaraq ağaca çırpılıb. Nəticədə avtomobili idarə edən 22 yaşlı oğlan hadisə yerində vəfat edib. Avtomobildə olan digər iki gənc oğlan isə xəstəxanaya aparılıb.
 
Araşdırma aparılır.


Paylaş:


Müəllif : Tarix:
15-04-2017, 13:02
  


loading...