Azərbaycan kayakçısı Avropa Oyunlarına lisenziya qazanıb » Regionxeberleri.com Azərbaycan kayakçısı Avropa Oyunlarına lisenziya qazanıb » Regionxeberleri.com

reklam
» » Azərbaycan kayakçısı Avropa Oyunlarına lisenziya qazanıb

reklam

Azərbaycan kayakçısı Avropa Oyunlarına lisenziya qazanıb

Azərbaycanın qadın kayakçısı Marina-Lorena Manolika 2019-cu ildə Belarusun paytaxtı Minskdə keçiriləcək II Avropa Oyunlarına lisenziya qazanıb.

Regionxeberleri.com-un "Report"-a istinadən məlumatına görə, 23 yaşlı idmançı bu nailiyyətə Serbiyanın paytaxtı Belqradda keçirilmiş Avropa çempionatında imza atıb. 1 nəfərlik qayıqla 200 metr məsafəyə yürüşdə 40,579 saniyə nəticə göstərən Manolika 12-ci yeri tutaraq, lisenziya normasını yerinə yetirib. Reqlamentə əsasən, bu məsafədə ilk "16-lığ"a düşənlər Oyunlarda iştirak hüququ əldə ediblər.

Kişi kayakçıların yarışında isə Mirnazim Cavadov 1 nəfərlik qayıqla 500 metr məsafəyə yürüşdə finişə 1 dəqiqə 41,922 saniyəyə çataraq, 14-cü yeri tutub. Oyunlara lisenziya verən 200 metr məsafəyə yürüşdə isə 26 yaşlı idmançı yarımfinal səddini adlaya bilməyib.

Qeyd edək ki, II Avropa Oyunları gələn il 20 - 30 iyunda keçiriləcək.
 


Paylaş:


Müəllif : Tarix:
14-06-2018, 17:42
  


loading...