reklam
» » Ukrayna milli komandasının futbolçusu Müslüm Maqomayevin mahnısını oxuyub

reklam

Ukrayna milli komandasının futbolçusu Müslüm Maqomayevin mahnısını oxuyub

Ukrayna milli komandasının və Donetsk "Şaxtyor"unun futbolçusu Sergey Krivtsov Azərbaycanın əfsanəvi müğənnisi və bəstəkarı Müslüm Maqomayevin "Mavi əbədiyyət" ("Sinyaya veçnost") mahnısını ifa edib.
Regionxeberleri.com “Report”-a istinadən xəbər verir ki, 27 yaşlı müdafiəçi məşhur musiqini yığmanın UEFA Millətlər Liqasında qrup qalibi adını vaxtından əvvəl qazanaraq, elit diviziona və "play-off"a vəsiqə qazanması şərəfinə səsləndirib.
Bu münasibətlə təşkil olunmuş gecədə Ukrayna Futbol Federasiyasının prezidenti Andrey Pavelko və baş məşqçi Andrey Şevçenko da iştirak edib.
Krivtsovun komandaya dəstək məqsədilə oxuduğu mahnı gur alqışlarla qarşılanıb.
Ukrayna yığması Millətlər Liqasında son matçını noyabrın 16-da Slovakiyaya qarşı keçirəcək. Noyabrın 20-də isə Türkiyə ilə yoldaşlıq görüşü nəzərdə tutulub.
Bundan əvvəl Ukrayna Futbol Federasiyasının prezidentinə qarşı 3 cinayət işi açıldığı məlum olub.



Paylaş:


Müəllif : Tarix:
14-11-2018, 09:08
  


loading...
Загрузка...