Rusiyanın “Gazprom” şirkəti bu il ərzində “Türk axını” layihəsinin inşasına investisiyanın həcmini 2 dəfəyədək artıraraq 182,4 mlrd. rubla (3,222 mlrd. ABŞ dolları) çatdırmaq niyyətindədir.

“Report” xəbər verir ki, bu barədə “RİA Novosti” agentliyi məlumat yayıb.

Məlumata görə, ötən il boru kəmərinə xərclənən vəsaitin həcmi 92,8 mlrd. rubl (1,639 mlrd. dollar) təşkil edib.

2016-cı il oktyabrın 10-da Rusiya və Türkiyə “Türk axını” layihəsi üzrə hökumətlərarası saziş imzalayıblar. Sənəddə Qara dənizin dibi ilə iki xəttin tikintisi məsələsi əksini tapıb. Xətlərin hər biri ilə ildə 15,75 mlrd. kubmetr qaz nəqli planlaşdırılır.



Paylaş: