reklam
» » Bakıda daha bir marşrut üzrə gediş haqqı “BakıKart”la ödəniləcək

reklam

Bakıda daha bir marşrut üzrə gediş haqqı “BakıKart”la ödəniləcək

Bakıda daha bir müntəzəm marşrut xətti üzrə gediş haqqının ödənişi “BakıKart” vasitəsi ilə həyata keçiriləcək.

Bunu “Report”a Bakı Nəqliyyat Agentliyinin sektor müdiri Mais Ağayev deyib.

Onun sözlərinə görə, fevralın 17-dən 52 nömrəli müntəzəm marşrut xəttindən (Binəqədi rayonu, M.Kazımovski küçəsi - Səbail rayonu, Ə.Cavad küçəsi) istifadə edən sərnişinlər gediş haqqını “BakıKart” vasitəsi ilə ödəyəcəklər. Nağdsız ödəniş sisteminə keçidlə əlaqədar 52 nömrəli müntəzəm marşrut xətti üzrə sərnişindaşıma fəaliyyəti ilə məşğul olan “Xaliq Faiqoğlu” MMC avtobuslarda xüsusi kart oxuma cihazları quraşdırıb.

52 nömrəli müntəzəm marşrut xətti üzrə avtobuslardan istifadə edən sərnişinlərin “BakıKart” əldə etməsi, eyni zamanda, balanslarını rahat şəkildə artıra bilməsi üçün BNA zəruri işlər görüb.

Məlumat üçün bildirək ki, hazırda paytaxtda 21 marşrut xətti üzrə avtobuslarda gediş haqqı nağdsız formada “BakıKart” vasitəsi ilə həyata keçirilir.


Paylaş:


Müəllif : Tarix:
14-02-2018, 10:19
  
loading...