reklam
» » "Bir az şişirtmişəm. 7 dəfə yox, 5 dəfə ərdə olub"

reklam

"Bir az şişirtmişəm. 7 dəfə yox, 5 dəfə ərdə olub"

Müğənni Nazəninin və onun həyat yoldaşı Məhəbbət Həsənovun Təranə Qumrala qarşı şikayəti üzrə məhkəmə prosesi ilkin instansiyalarda bir müddət əvvəl başa çatıb. Məhkəmənin qərarı ilə Təranə Qumral qarşı tərəfdən üzr istəməli, dediklərini təkzib etməli və təzminat ödəməlidir.

Regionxeberleri.com UlduzumSan.Az - a istinadən xəbər verir ki, Təranə Qumral isə məhkəmənin qərarına tabe olmaq istəmir.

T. Qumral “Səhər- səhər” verilişinə qonaq olarkən deyib ki, məhkəmənin sonudur, bitir: “Qərara görə, ondan üzr istəməliyəm. Amma üzr istəmirəm və məhkəmə də buna görə uzanır.

Elə bir adamam ki, doğrulara görə heç kəsdən üzr istəmirəm. Yanlışım olsa, üzr istəyərəm”.

T. Qumral sənətçi həmkarı Nazəninlə mübahisəyə səbəb kimi bunları deyib:

“Mən efirdə demişəm ki, bir neçə dəfə ailə qurmusan. Səhv bir şey demişəm? Söyüş söyməmişəm, əxlaqsız sözlərdən istifadə etməmişəm. Bir az şişirtmişəm. 7 dəfə yox, 5 dəfə ərdə olub”.

Məhkəmənin qərarına hörmətlə yanaşdığını deyib, amma onu icra etmək istəməyən Təranə Qumral “Nə demişəmsə, düz demişəm. Sözümün üstündə dururam. Düz dediyim sözə görə üzr istəmərəm. Mən dədəmin qızıyam, o, kişi olub. Məni həbs etsələr də, assalar da üzr istəməyəcəm. Nə olsun ki, ona sübut edə bilməyiblər? Olub, keçib. Əsəbi halda birini o, digərini də mən demişəm”,- deyən müğənni həbsdə yatsa da, üzr istəməyəcəyini bildirib:

“Sözümün canı var. Əsassız heç nə deməmişəm. İnsan özünü tanıya bilmirsə, sözüm yoxdur. Özü bilmir neçə dəfə ərə getdiyini? Nazənin xoşbəxt ola bilmir, ona yazığım gəlir. Hara gedirsə, ağlayır. Evləndiyi 5 nəfərlə şəklini gətirib bura düzərəm. Lap, 10 dəfə ərə getsin, bundan mənə nə?

Məni məhkəməyə verdiyi üçün şəkillərlə sübut edə bilmirəm. Canlı yayıma qoşulub ağzına gələni danışdı. Mən də ona cavab verdim.

Mən yiyəli, sahibli bir insanam. Vallah o vaxt evli deyildi. Mənə dua eləsin ki, bu hadisədən sonra rəsmi olaraq evləndi.

İndi ölkədən çıxışıma qadağa qoyublar. Xaricdə nə işim var? Qohumlarım, hər kəsim Azərbaycanda yaşayır. 4 ildir ki, bu müharibə gedir. Mən yıxılan, sürünən deyiləm. Mənə daş atdıqca güclənirəm. Ömür boyu gözü məni götürməyib”.

Xatırladaq ki, Nazənin vəkili ötən həftə yaydığı məlumatda bildirib ki, T. Qumral qarşı tərəfə 3 min manat təzminat ödəməlidir: “Bakı Apelyasiya Məhkəməsinin 2 qətnaməsi mövcuddur. Hər iki qətnamədə qeyd olunur ki, İbrahimova Təranə Xeyrulla qızı Salayeva Nazəninə 500 manat pul ödəməlidir. Bundan başqa, Nazənin xanımdan üzr istəməli, barəsində dediklərinə təkzib verməlidir. Digər qətnamədə də göstərilir ki, cavabdeh şəxs, İbrahimova Təranə Nazənin xanımın həyat yoldaşı Məhəbbət bəyə 3 min manat təzminat ödəməli və onun barəsində dediyi fikirləri də təkzib etməlidir. İcra şöbəsində bu məhkəmə qətnaməsi icradadır”.

Təranə Qumral isə yaşadığı qalmaqalla bağlı kitab yazacağını söyləyib: “Musaya zəng edir ki, toya gedək, amma Təranə bilməsin. Musa evə gəlir, mənə deyir ki, Nazənin təklif edir ki, Astrada toy var, bir gedək. Bunları mən bilirəm, heç nə deməmişəm. Daha sonra anonim zənglər edirdi. Mən qad edən qadın deyiləm, hər şeyə su səpərəm. Ailəmin paxıllığını çəkirdi, ona halal olsun. Bu qalmaqal barədə kitab yazacam. Bu il bitəndən sonra oxuculara təqdim edəcəm. Hamı görəcək ki, hər şey necə baş verib. Əvvəlcə min tiraj çıxacaq”.

Vəkil onu da əlavə edib ki, məhkəmə qərarına əsasən Təranə Qumral ölkədən kənara çıxa bilməz:

“Bir neçə gün öncə məhkəmənin qərarına görə, İbrahimova Təranə Xeyrulla qızının ölkədən getmək hüququnun müvəqqəti olaraq məhdudlaşdırılması barədə Nərimanov Rayon Məhkəməsində qərar qəbul edilib. Bu qərar da zəruri idi". .

Qeyd edək ki, T.Qumralla Nazənin arasında qalmaqal “ANS”in “Bazar səhəri” verilişindən başlayıb. Belə ki, Nazənin canlı efirə zəng edərək, Təranə Qumrala “Səni ərimlə tutdum” demişdi. T.Qumral isə öz növbəsində Nazənin barəsində bir çox xoş olmayan ifadələr işlətmişdi. Buna görə də Nazənin məhkəməyə müraciət etmişdi.


Paylaş:


Müəllif : Tarix:
16-12-2017, 10:29
  


loading...
Загрузка...