Şəhər İcra Hakimiyyəti ləğv oluna bilər?.. - Bakıya mer təyinatı uzanır » Regionxeberleri.com Şəhər İcra Hakimiyyəti ləğv oluna bilər?.. - Bakıya mer təyinatı uzanır » Regionxeberleri.com

reklam
» » Şəhər İcra Hakimiyyəti ləğv oluna bilər?.. - Bakıya mer təyinatı uzanır

reklam

Şəhər İcra Hakimiyyəti ləğv oluna bilər?.. - Bakıya mer təyinatı uzanır

Prezidentin sərəncamları ilə Nazirlər Kabinetinin yeni tərkibi təsdiqlənəndən sonra Bakı Şəhər İcra Hakimiyyəti başçısız qalıb. Prezident lham Əliyevin aprelin 21-də imzaladığı sərəncama əsasən, Bakı Şəhər İcra Hakimiyyətinin başçısı vəzifəsindən azad edilən Hacıbala Abutalıbov Baş nazirin müavini vəzifəsinə təyin olunub. Hazırda meriyada başçı postu boşdur.

Artıq bir aya yaxındır Bakı Şəhər İcra Hakimiyyətini başçının müavini Fidumə Hüseynova idarə edir.

Gələcək merin kimliyi hamını maraqlandırır. Təyinatın gerçəkləşməsi isə uzanır. Əksəriyyət bu postda görmək istədiyi şəxslərin adını sadalamaqla fərqli müzakirələr açır. Bu arada yayılan məlumatlaraa görə, Bakı rayonlarının hər birnin icra başçısı olduğuna görə Şəhər İcra Hakimiyyətinin ləğv ediləcəyi və bu posta təyinatın olmayacağı da gözləniləndir.

Məsələ ilə bağlı Milli Məclisin Regional məsələlər komitəsinin üzvü Tahir Rzayev Modern.az-a bildirib ki, Bakı böyük şəhər olduğuna görə onun geniş planları var.

“Rayonlarda müəyyən narazılıqlar və uyğunsuzluqlar olur. Ona görə də bu məsələləri nizamlayan, nəzarət edən orqan olmalıdır. Həmçinin, dövlət başçısının tapşırığını rayon icra başçılarına çatdıran, həmin tapşırıqların icrasına nəzarət edən orqanın olması vacibdir. Bakı Şəhər İcra Hakimiyyətinin olması, paytaxın rayonlarının icra hakimiyyətini əlindən almır. Nizamnamədə onların səlahiyyətləri açıq şəkildə göstərilib”.

Deputat bildirib ki, Bakıya yeni merin təyin olunması dövlət başçısının səlahiyyətlərinə aiddir.

“Ola bilər ki, buna səbəb kadr məsələsidir. Bakı Şəhər İcra Hakimiyyətinin başçısı vəzifəsi yüksək və şərəfli vəzifədir. Bu posta elə adam təyin olunmalıdır ki, iqtisadiyyatı, siyasəti, sosial sahələri yaxından bilsin. Bu posta sözsüz ki, təyinat olacaq. Ancaq bu posta yaxşıların yaxşısı təyin olunmalıdır. Çünki Bakı bu gün dünyanın ən gözəl şəhərlərindən biridir. İnkişaf edən şəhərdir. Əhalinin sayına görə də dünyada fərqlənən şəhərdir. Ona görə də hesab edirəm ki, bu şəhərin başçısınin intelektual və bilik səviyyəsi yüksək olmalıdır”.


Paylaş:


Müəllif : Tarix:
21-05-2018, 15:41
  


loading...